دووکەڵ وگازە ژەهەراوییەکان کە لە دامەزراوە پیشەسازییەکانی (ئەبوسێلە) و(نەهروان)ەوە دێنە دەرەوە بە بەردەوامی ئاسمانی شاری(بەسمایە)یان داپۆشیوە،بەتایبەتی لەشەواندا، بەهۆی چالاکی کارگەکانی درووستکردنی خشت وقیر وفالانکۆت وپاککردنەوە ودووبارە بەکارهێنانەوەی ڕۆن و چەورییەکان،کە دەیان کەس بەبێ مۆڵەت وبەبێ پابەندبوون بە پێوەرە ژینگەییەکانەوە تێدا کاردەکەن، ئەمەش زیانی ژینگەیی وتەندروستی زیاتر بەجێدەهێڵێت.