تورێ رۆژنامه‌ڤانیا دیڤچوونێ یا ئیراقى (نیریج )ل هه‌یڤا كانوونا دووێ 2012 ، یه‌كه‌مین وركشۆپێن خو بدوماهیك ئینا، كو ئه‌ڤ وركشۆپه تایبه‌ت بوو ب هونه‌رێ دیڤچوونێ (فن الاستقصا‌و) وچاوانیا كاركرنێ دبوارێ چێكرنا راپورته‌كا دیڤچوونێ یا به‌رفره‌ه ورێبازكرى ویا پشت راستكرى ب چاره‌سه‌ركرنا گریمانا (فرچیه) دیڤچوونێ وپاشى ده‌ستنیشانكرنا ژێده‌رێن به‌رده‌ست ویێن نه‌به‌رده‌ست (مغلق), ئه‌ڤه‌ژى وه‌ك ده‌رازینكه‌ك بو چێكرنا پلانا وێ دیڤچوونێ وبدوماهیك ئینانا وێ .
دئه‌ڤێ وركشوپا هاتیه ئه‌نجامدان ل باژێرێ هه‌ڤلێرێ ژ 30 كانوونا ئێكێ تا ئێكى هه‌یڤا كانوونا دووێ / ینایر، كومه‌كا روژنامه‌ڤانێن دبوارێ دیڤچوونێدا كاردكه‌ن پشكداربوون ژ وان ژى ئه‌ندامێن تورا (نیریج) پشكداربوون، گرنكترین مژارێن كارێ دیڤچوونێ هاتنه باسكرن بو نمووونه پێناسه‌كرنا روژنامه‌ڤانیا دیڤچوونێ (الصحافه الاستقصائیه) وچاوانیا ڤاڤارتنا كارێن روزنامه‌ڤانیا دیڤچوونێ ووراپورتێن روژنامه‌ڤانیێن لاسایكرى (التقلیدیه) پاشى به‌ره‌ف چاره‌سه‌ركرنا گریمانا وده‌ستنیشانكرنا ژێده‌رێن سه‌ره‌كى ولاوه‌كى ، وژێده‌رێن به‌رده‌ست ونه به‌رده‌ست .
هه‌روه‌سا دڤێ وركشوپێدا، كو تێدا سه‌په‌رشتێ تورا نیریج محمد الربیعی به‌رهه‌ڤبوو، نمایشكرنه‌كا تیروته‌سه‌ل دیڤچوونێن سه‌ركه‌فتیێن پلا ئێكێ ودووێ كو لسالا 2011 ل جیهانا عه‌ره‌بى هاتبوونه هه‌لبژارتن وه‌كو باشترین دیڤچوون، ئه‌وژى دیڤچوونا (المشردون فی العراق) یا روژنامه‌ڤان میاده داۆد (میلاد الجبوری) و دیڤچوونا (سوتنگه‌ها ژنان ل كوردستانێ )(محرقه النسا‌و فی كردستان) یا روژنامه‌فان سامان نوح وموفق محمد.
هه‌روه‌سا دماوێ ورك شوپێدا هیراتیێن وان هه‌ردوو دیڤچوونێن هاتینه ئه‌نجامدان ژ لایێ ئه‌ندامێن تۆرا نیریج ب پشته‌ڤانییا تورا (أریج) ژبو روژنامه‌ڤانییه‌كا دیڤچوونێ ، وئه‌و ب هه‌ردوو پلێن ئێكێ و دووێ ده‌ركه‌فتن ئه‌ڤه ژى لسالا 2010 بوو ، ئه‌وژى دیڤچوونا (دیاردا سنه‌تكرنا ژنان ل كوردستانێ .. چیروكه‌كا نه‌خوشه لدویڤ دوماهیا دگه‌ریت) (ختان الاناپ) یا روژنامه‌ڤان دلوڤان بروارى . و دیڤچوونا (زاروكین قاعده ترسێ به‌لاڤدكه‌ت دناڤ خێزانێن خودا و كارا وه‌كو مه‌زنا بجه دئینن) یا روژنامه‌فان میاده داود .
ودناڤ وركشوپێ چه‌ندین گه‌نگه‌شێن هویر هاتنه كرن لسه‌ر هه‌ر پارگرافا وچیروكه‌كێ ژ چیروكێن مروڤایه‌تى ئه‌وێن دهه‌ر چوار دیڤچووناده هاتینه باسكرن، ئه‌وژى بۆ مه‌ره‌ما روونكرنا شێوێ ئاڤاكرنا هه‌ر پارگرافه‌كا دیڤچوونێن سه‌ركه‌فتى، وچاوانیا رێزكرنا تشتێن گرنگ د بجهئینانا دیڤچوونێ ورێزبه‌ندیا بكارئینانا چیروك وپێزانینا، تا دگه‌هنه دیڤچوونه‌كا تمام وسه‌ركه‌فتى .
پشكدارێن وركشۆپێ ئه‌و گریمانێن ئه‌و كارى لسه‌ر دكه‌ن بو خزمه‌تا تورا (نیریج) نمایشكرن كو ب پشته‌ڤانیا ڤێ تورێ هاتبوونه بجه ئینان هه‌روه‌سا ب هاریكاریا رێكخراوه پشته‌ڤانیا نیڤ ده‌وله‌تى IMS. دكه‌ل گه‌نگه‌شه‌كرنا پلانا هه‌ر دیڤچوونه‌كا جودا ، بو نموونه ل ده‌سپێكێ شروڤه‌كرنا به‌شێن گریمانێ دكه‌ن وچاوانیا ده‌ستنیشانكرنا ژێده‌رێن پێدڤى ، ودیاركرنا دیارترین پرسیارێن كو بهێنه ئاراسته‌كرن بۆ ژێده‌را .
و لدوماهییا وركشۆپێ ، ئه‌ندامێن تۆرا (نیریج) ئه‌وێن به‌شداریكرى د وركشۆپێدا گه‌نگه‌شا هندێ كرن كو رابن بدانا هاریكاریێن دراڤى (منح مالیه)بۆ روژنامه‌ڤانێن ئیراقیێن حه‌ز دكه‌ن كار بكه‌ن دبچهئینانا دیڤچوونێن روژنامه‌ڤانى ئه‌وێن تایبه‌ت ب هزرێن گرنگ و خودان به‌لگه‌نامێن باوه‌رپێكرى وروناهیێ بێخیته سه‌ر دیارده‌كا نیگه‌تیف (لاواز) وئه‌گه‌ر دیڤچوونا وێ دیاردێ بهێته كرن دبیت گورانكاریه‌كا باش ل وه‌لاتێ ئیراقێ په‌یدابكه‌ت.
نیریج یه‌كه‌مێن وركشۆپێن خو یێن تایبه‌ت ب روژنامه‌ڤانیا دیڤچوونێ بدوماهى ئینا
Comments 1
وەڵامێک بنووسە
Copyright All rights reserved
Wow! Great to find a post kncoikng my socks off!